సల్మాన్ సై: కత్రినా నో

ముంబయి: తాను కత్రినా కైఫ్ ను త్వరలోనే పెళ్లి చేసుకుంటానని బాలీవుడ్ నటుడు సల్మాన్ ఖాన్ చెప్పాడు. అయితే ఆ ప్రతిపాదనను కత్రినా కైఫ్ త్రోసిపుచ్చింది. వచ్చే ఏడాది ప్రారంభంలో తాను కత్రినా పెళ్లి చేసుకుంటామని అతను చెప్పాడు. ఆ వెంటనే పిల్లలను కంటామని అతను చెప్పాడు. తన వ్యక్తిగత జీవితం గురించి బహిరంగంగా మాట్లాడని సల్మాన్ ఈ విషయాన్ని మాత్రం చెప్పాడు.

తాను సల్మాన్ ప్రేమిస్తున్నట్లు కత్రినా బహిరంగంగా ఇప్పటి వరకు చెప్పలేదు. అయితే ఇప్పుడే పెళ్లి చేసుకునే ఆలోచన లేదని ఆమె తేల్చిపారేసింది. అయితే తన వ్యక్తిగత జీవితం గురించి మీడియా ముందు మాట్లాడడానికి కూడా ఆమె ఇష్టంగా లేదు. వరల్డ్ సెక్సియెస్ట్ వుమెన్ గా ఎంపికైన కత్రినా ప్రస్తుతం సినిమాల్లో బిజీగా ఉంది. అంతేకాకుండా ఆమె నటించిన సినిమాలు విజయపథంలో నడుస్తున్నాయి. పెళ్లి చేసుకుంటే తన కెరీర్ దెబ్బ తింటుందనే ఉద్దేశం 24 ఏళ్ల ఈ భామకు ఉన్నట్లుంది. సల్మాన్ కిప్పుడు 42 ఏళ్లు.