బీహార్ కు వేయి కోట్ల సాయం: ప్రధాని

పాట్నా: బీహార్ వరదలను జాతీయ విపత్తుగా ప్రధాని డాక్టర్ మన్మోహన్ సింగ్ ప్రకటించారు. తక్షణ సహాయం కింద ఆయన బీహార్ కు వేయి కోట్ల రూపాయల సాయాన్ని, 1.25 లక్షల టన్నుల ఆహార ధాన్యాలను అందించనున్నట్లు ఆయన తెలిపారు. యుపిఎ చైర్ పర్సన్ సోనియా గాంధీతో కలిసి ఆయన గురువారం బీహార్ వరద తాకిడి ప్రాంతాల్లో ఏరియల్ సర్వే నిర్వహించారు. పరిస్థితిని తట్టుకోవడానికి బీహార్ కు అవసరమైన సహాయమంతా చేస్తామని ఆయన బీహార్ ప్రభుత్వానికి హామీ ఇచ్చారు.

వరద తాకిడి ప్రాంతాల పర్యటనలో ప్రధాని, సోనియా గాంధీల వెంట ముఖ్యమంత్రి నితీష్ కుమార్, రైల్వే మంత్రి లాలూ ప్రసాద్ యాదవ్, తదితరులు కూడా ఉన్నారు. అంతకు ముందు నితీష్ కుమార్ వారికి పూర్ణియా ఎయిర్ బస్ లో స్వాగతం చెప్పారు. వారికి వరద పరిస్థితిని వివరించారు. బీహార్ లోని 15 జిల్లాల్లోని 25 లక్షల మందిపై వరద ప్రభావం పడింది. బీహార్ ముఖ్యమంత్రి నితీష్ కుమార్ బుధవారంనాడు ప్రధాని మన్మోహన్ సింగ్ ను కలిశారు.