గూగుల్ క్రోమ్ బ్రౌజర్ విశిష్టత

లండన్: గూగుల్ ఇంటర్నెట్ బ్రౌజర్ ప్రారంభం గురించి చీఫ్ ఎగ్జిక్యూటివ్ కొన్ని వివరాలు ఇచ్చారు. మైక్రోసాఫ్ట్ డామినెంట్ సాఫ్ట్ వేర్ కు ధీటుగా "డిఫెన్సివ్ కాంపొనెంట్" తమ వద్ద ఉన్నట్టు ఆయన చెప్పారు. రిపబ్లికన్ నేషనల్ కన్వేన్షన్ నుంచి ఆయన ఫైనాన్సియల్ టైమ్స్ తో మాట్లాడుతూ ఆయన ఆ విషయం చెప్పారు.

" మైక్రోసాఫ్ట్ కు తన అప్లికేషన్స్ ను ఫేవర్ చేసుకునే చరిత్ర ఉంది. 5,00,000 పేజీలు ఈ విషయంలో కోర్టు పరిశీలనలో ఉన్నాయి." అని గూగుల్ చీఫ్ ఎఘిక్యూటివ్ ఎరిక్ స్కిమిట్ చెప్పారు. గూగుల్ క్రోమ్ లోని సౌకర్యాలను వాడుకోడం మైక్రోసాఫ్ట్ కంటే సులభమని ఆయన అన్నారు. " మొదట్లో మేం బ్రౌజర్ పెట్టాల్సిన అవసరం లేదని అనుకున్నాం. కానీ రెండేళ్ళ నుంచి సీన్ మారిపోయింది. టాప్ బ్రౌజర్లలో జనం పవర్ ఫుల్ అప్లికేషన్లు పెట్టుకుంటున్నారు. మరీ ముఖ్యంగా ఎక్స్ ప్లోరర్ లో. అందువల్ల గూగుల్ సొంతంగా బ్రౌజర్ ను పెట్టుకుంటోంది. ఇది యూజర్లకు ఎంతో అనువుగా, సౌకర్యవంతంగా ఉంటుంది" అని ఆయన చెప్పారు.