గ్యాంగ్ మన్ అప్రమత్తత: తప్పిన ప్రమాదం

గుంటూరు: గ్యాంగ్ మన్ అప్రమత్తత వల్ల రైలు ప్రమాదం తప్పింది. రైల్వే లైన్ దెబ్బ తిన్న విషయాన్ని సకాలంలో కనిపెట్టి అధికారులకు సమాచారం అందించడంతో ఈ ప్రమాదం తప్పినట్లు రైల్వై అధికారులు చెప్పారు. విజయవాడ - చెన్నై సెక్షన్ సమీపంలోని స్టూవర్టుపురం స్టేషనులో పనిచేస్తున్న గ్యాంగ్ మన్ పి. శ్రీరాములు శనివారం రాత్రి రైల్వే లైన్ దెబ్బ తిన్న విషయాన్ని గుర్తించి, అధికారులకు తెలియజేశాడు. దీంతో ఈ మార్గంలో ప్రయాణిస్తున్న హైదరాబాద్ - చెన్నై ఎక్సుప్రెస్ కు ప్రమాదం తప్పింది.

రైలు బాపట్ల స్టేషన్ వద్ద ఆగిపోయింది. తాత్కాలికంగా లైనుకు మరమ్మతు చేసిన తర్వాత రైలు యధావిధిగా సాగిపోయింది. అయితే అయితే లైన్ పై నెమ్మదిగా రైలును నడపాల్సి వచ్చింది.