సోనియాకు వైయస్ ముడుపులు: నాగం

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి అవినీతి సంపాదన నుంచి కాంగ్రెస్ అధ్యక్షురాలు సోనియా గాంధీకి ముడుపులు ముడుతున్నాయని తెలుగుదేశం పార్టీ నాయకుడు నాగం జనార్దన్ రెడ్డి ఆరోపించారు. సోనియా గాంధీ ఎప్పుడు రాష్ట్రానికి వచ్చినా రాజకీయ ప్రయోజనాలకే తప్ప ప్రజల ప్రయోజనాల కోసం కాదని, సోనియాకు ప్రజాసమస్యలు పట్టవని ఆయన బుధవారం మీడియా ప్రతినిధులతో అన్నారు.

ఏ హోదాలో కాంగ్రెస్ పార్టీ అధ్యక్షురాలు సోనియా గాంధీ అధికారిక కార్యక్రమాల్లో పాల్గొంటున్నారో కాంగ్రెస్ వారు చెప్పాలని ఆయన డిమాండ్ చేశారు. తమ పార్టీ నిర్ణయం తీసుకుంటే తాను తెలంగాణ కోసం మనస్ఫూర్తిగా పోరాటం చేస్తానని ఆయన చెప్పారు.