అద్వానియే ప్రధాని అవుతారు: కృష్ణంరాజు

నెల్లూరు: ప్రజలు తమ పార్టీ అధినేత ఎల్.కె. అద్వానీ ప్రధాని కావాలని కోరుకుంటున్నారని భారతీయ జనతా పార్టీ నాయకుడు, సినీ నటుడు కృష్ణంరాజు అన్నారు. వచ్చే ఎన్నికల్లో జాతీయ ప్రజాస్వామ్య కూటమి (ఎన్డీయె) విజయం సాధించి అధికారంలోకి రావడం ఖాయమని ఆయన జోస్యం చెప్పారు. రాష్ట్రంలో భారతీయ జనతాపార్టీ చేపట్టిన సంకల్పయాత్రకు ప్రజలనుంచి విశేష స్పందన లభిస్తోందని కృష్ణంరాజు నెల్లూరులో అన్నారు.

శ్రీకాకుళం జిల్లా ఇచ్ఛాపురంలో ప్రారంభమైన సంకల్పయాత్ర 16వరోజు అయిన సోమవారం నెల్లూరు జిల్లాకు చేరుకుంది. సోమవారం సాయంత్రం జిల్లా సరిహద్దు మండలమైన తడలో ముగుస్తుంది. ఎరువుల కొరతను పరిష్కరించటంలో విద్యుత్‌ సమస్యను పరిష్కరించటంలో రాష్ట్ర ప్రభుత్వం పూర్తిగా విఫలమైందని కృష్ణంరాజు ఈ సందర్భంగా అన్నారు.