'పెద్ది' సినిమా ఫస్ట్ కాపీ చూసి చిరంజీవి సీరియస్..?? బుచ్చిబాబును పిలిచి..!

ప్రస్తుతం ఎక్కడ చూసినా 'పెద్ది' మేనియా నడుస్తోంది. మరో 20 రోజుల్లో అంటే జూన్ 4న గ్లోబల్ స్టార్ రామ్ చరణ్ 'పెద్ది' మూవీ ప్రపంచవ్యాప్తంగా ప్రేక్షకుల ముందుకు రానుంది. ఈ మూవీ ఇప్పటికే రిలీజ్ కావాల్సి ఉండగా పలుసార్లు వాయిదా పడింది. బెస్ట్ అవుట్ పుట్ కోసం చిత్ర యూనిట్ తీవ్రంగా శ్రమిస్తోంది. అందుకే సినిమా అనేక సార్లు వాయిదా పడుతూ వచ్చింది. ఇక ఎట్టకేలకు రిలీజ్ డేట్ ను కన్ఫామ్ చేసుకుంది. ఈ మేరకు ఇటీవల ప్రెస్ మీట్ పెట్టిమరీ జూన్ 4న పెద్ది సినిమాను గ్రాండ్ గా రిలీజ్ చేస్తున్నట్లు పేర్కొంది. ఇక ఉప్పెన ఫేమ్ బుచ్చిబాబు సానా ఈ చిత్రాన్ని ప్రతిష్టాత్మకంగా తెరకెక్కించారు. క్రికెట్, కుస్తీ పోటీలు, విజయనగరం గ్రామీణ నేపథ్యంలో ఈ కథ సాగుతున్నట్లు స్పష్టం అవుతోంది.

ఇప్పటికే రిలీజ్ అయిన 'పెద్ది' సినిమాలోని రెండు గ్లింప్స్ ప్రేక్షకుల్ని విపరీతంగా ఆకట్టుకున్నాయి. అలాగే చికిరి చికిరి, రయ్ రయ్ రారా సాంగ్స్ టాప్ లో ట్రెండింగ్ అవుతున్నాయి. త్వరలోనే ఓ మాస్ సాంగ్ ను కూడా విడుదల చేయనున్నట్లు తెలుస్తోంది. ఇప్పటికే రెండు పాటల్లో చరణ్ డ్యాన్స్ దుమ్ము దులిపారు. ఇక ఈ మాస్ సాంగ్ లో స్టెప్పులు ఏ రేంజ్ లో ఉంటాయో ఆలోచిస్తేనే గూస్ బంప్స్ వస్తున్నాయి. తాజాగా పెద్ది సినిమాకు సంబంధించిన ఓ వార్త సామాజిక మాధ్యమాల్లో వైరల్ అవుతోంది. అదేంటంటే.. పెద్ది సినిమా ఆర్ ఆర్ ఇటీవలె పూర్తయిందట. అయితే రీ రికార్డింగ్ కంప్లీట్ చేసుకున్న ఈ సినిమాను మెగాస్టార్ చిరంజీవి ఓసారి చూశారని సమాచారం.

పెద్ది సినిమాను చూసిన చిరంజీవి.. బుచ్చిబాబును పిలిచి సినిమాలో చిన్న చిన్న కరెక్షన్స్ చెప్పారట. బుచ్చిబాబు కొన్ని విషయాల్లో లాజిక్స్ మర్చిపోతే వాటిని డైలాగ్స్ తో ఆ లాజిక్స్ ను కవర్ చేయోచ్చని బుచ్చిబాబుతో చెప్పినట్లు సమాచారం. అయితే దానికి బుచ్చిబాబు కూడా ఓకే అన్నట్లు తెలుస్తోంది. ఇక పెద్ది సినిమాలో రామ్ చరణ్ సరసన బాలీవుడ్ బ్యూటీ జాన్వి కపూర్ హీరోయిన్ గా నటిస్తోంది. అలాగే ఈ మూవీలో జగపతిబాబు, కన్నడ స్టార్ శివరాజ్ కుమార్, దివ్యేందు శర్మ, బొమన్ ఇరానీ కీలక పాత్రల్లో నటించారు. ఈ సినిమాకు ఏఆర్ రెహమాన్ సంగీతం అందించారు. వృద్ధి సినిమాస్ ఈ చిత్రాన్ని నిర్మిస్తోంది.