చంద్రబాబు బుల్లెట్ సరదా

హైదరాబాద్: తెలుగుదేశం పార్టీ అధ్యక్షుడు నారా చంద్రబాబునాయుడు తన బుల్లెట్ సరదాను తీర్చుకున్నారు. గుంటూరు యువగర్జనకు హైదరాబాదు నుంచి బయలుదేరిన మోటార్ సైకిల్ ర్యాలీని ఆయన మంగళవారం ప్రారంభించారు. ఈ సందర్భంగా ఆయన బుల్లెట్ ను నడిపారు. పార్టీ నాయకుడు తీగెల కృష్ణారెడ్డికి చెందిన బుల్లెట్ ను ఆయన నడిపారు.

హైదరాబాదు నుంచి 8 వేల మోటార్ సైకిళ్ల ర్యాలీ గుంటూరుకు బయలుదేరాయి. మరో 10 వేల మోటార్ సైకిళ్లు కూడా రంగారెడ్డి, హైదరాబాద్ జిల్లాల నుంచి బయలుదేరుతాయని తీగెల కృష్ణారెడ్డి చెప్పారు. బుధవారం గుంటూరులో జరిగే యువగర్జన సదస్సులో బాలకృష్ణతో పాటు నారా చంద్రబాబునాయుడు కూడా పాల్గొంటున్న విషయం తెలిసిందే. నందమూరి హీరోలు కళ్యాణ్ రామ్, తారకరత్న కూడా ఈ సదస్సులో పాల్గొంటున్నారు.