స్కామ్స్ రాస్తున్నామనే కక్ష: రామోజీ

న్యూఢిల్లీ: కుంభకోణాలు బయటపెడుతున్నందుకే రాష్ట్ర ప్రభుత్వం తమపై కక్ష సాధింపు చర్యలకు దిగిందని ఈనాడు గ్రూపు సంస్థల అధినేత రామోజీరావు అన్నారు. మార్గదర్శి ఫైనాన్షియర్స్ కేసులో ఆయన సోమవారంనాడు సుప్రీంకోర్టులో అఫిడవిట్ దాఖలు చేశారు. తాము డిపాజిటర్లకు 1843 కోట్ల రూపాయలు చెల్లించామని, అయితే తాము చెల్లించాల్సింది 19 కోట్ల రూపాయలు మాత్రమేనని ఆయన అన్నారు. రాష్ట్ర ప్రభుత్వం తమకు నష్టం కలిగిస్తోందని ఆయన విమర్శించారు.

రామోజీరావు వ్యాఖ్యలపై కాంగ్రెస్ పార్లమెంటు సభ్యుడు ఉండవల్లి అరుణ్ కుమార్ రామోజీరావుపై విరుచుకుపడ్డారు. డిపాజిటర్లకు మార్గదర్శి ఫైనాన్సియర్స్ సొమ్మంతా చెల్లించిన తర్వాత రామోజీరావు అక్రమ వ్యాపారాలను బయటపెడతానని ఆయన అన్నారు. చెల్లించాల్సిన అవసరం లేకపోతే రామోజీరావు కోర్టును వెసులుబాటు కోసం ఎందుకు కోరుతారని ఆయన అన్నారు.