• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కేరళ సిఎంపై సందీప్ తండ్రి గుర్రు

By Staff
|

Achuthanandan
బెంగుళూరు: కేరళ ముఖ్యమంత్రి అచ్యుతానందన్‌కు మేజర్‌ సందీప్‌ ఉన్నికృష్ణన్‌ ఇంట్లో చేదు అనుభవం ఎదురైంది. ముంబయి పేలుళ్లలో బందీలను విడిపించే పనిలో వీరోచితంగా పోరాడి అసువులు బాసిన జాతీయ భద్రతా దళాల (ఎన్‌ఎస్‌జీ) కమెండో సందీప్‌ ఉన్నికృష్ణన్‌ కేరళకు చెందినవారు. దీంతో సందీప్ కుటుంబ సభ్యులను పరామర్శించేందుకు కేరళ ముఖ్యమంత్రి అచ్యుతానందన్‌, హోంమంత్రి బాలకృష్ణన్‌లు ఆయన ఇంటికి వచ్చారు. అయితే ఆయనను కలిసేందుకు, సంతాపం స్వీకరించేందుకు సందీప్‌ తండ్రి తిరస్కరించారు.

సందీప్‌ కుటుంబానికి సంతాపం తెలిపేందుకు కర్ణాటక ముఖ్యమంత్రి యెడ్యూరప్ప సైతం వారి ఇంటికి రాగా సొంత రాష్ట్రమైన కేరళనుంచి ఎవరూ రాకపోవటం, అంత్యక్రియలకు కేరళ తరపున ఒక్క మంత్రి కూడా వెళ్లకపోవటం కేరళలో విపక్షాల తీవ్ర విమర్శలకు దారితీసింది. దీంతో ముఖ్యమంత్రి స్వయంగా సందీప్‌ ఇంటికి వచ్చారు. అయితే సందీప్‌ తండ్రి తాను ఎవరినీ కలవనని, రాజకీయనాయకులు ఎవరైనా లోపలకు వస్తే ఆత్మహత్య చేసుకుంటానని బెదిరించారు. ముఖ్యమంత్రి పర్యటనకు ముందు తనిఖీకి పోలీసు కుక్కలను కూడా లోపలికి రానివ్వలేదు. దీంతో పోలీసులు కష్టపడి సందీప్‌ తల్లి ధనలక్ష్మిని మాట్లాడేందుకు ఒప్పించారు. అచ్యుతానందన్‌, బాలకృష్ణలు ఆమెతోనే మాట్లాడి వెనుదిరిగారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X