ఎంపి మునావర్‌ హసన్‌ దుర్మరణం

న్యూఢిల్లీ: బిఎస్పీ నేత, పార్లమెంటు సభ్యుడు మునావర్‌ హాసన్‌ ఈ రోజు (బుధవారం) రోడ్డు ప్రమాదంలో దుర్మరణం చెందారు. హాసన్‌ ప్రయాణిస్తున్న క్వాలిస్‌ ఎదురుగా వస్తున్న లారీని ఢీ కొనడంతో ఈ ప్రమాదం సంభవించినట్లు సమాచారం. తీవ్ర గాయాల పాలైన హాసన్‌ను ఆసుపత్రి కి తరలిస్తుండగా మార్గమధ్యంలోనే ఆయన కన్నుమూసినట్లు పోలీసులు మీడియాకు వెల్లడించారు.

2004లో సమాజ్‌వాదీ పార్టీ నుంచి పోటీచేసి గెలిచిన హాసన్‌, యుపిఎ విశ్వాస పరీక్ష సందర్భంగా విప్‌ను ఉల్లంఘించడంతో ఆయనపై బహిష్కరణ వేటు పడింది. దీనితో ఆయన బిఎస్పీలో చేరా రు. హాసన్‌ను అనర్హునిగా ప్రకటించాలని కోరుతూ ఎస్పీ దాఖలు చేసిన పిటిషన్‌ ప్రస్తుతం స్పీకర్‌ సోమనాథ్‌ వద్ద విచారణలో ఉన్నది. ఇంతలోనే హాసన్‌ రోడ్డు ప్రమాదంలో దుర్మరణం చెందారు.ఇక ఆయనకు శ్రధ్ధాంజలి ఘటించేందుకు మాయావతి బయిలుదేరారు.