ట్రిపుల్ ఐటి విద్యార్థినులతో సీఎం

ఆదిలాబాద్‌: జిల్లా పర్యటనలో ఉన్న ముఖ్యమంత్రి వైఎస్‌ రాజశేఖర రెడ్డి మంగళవారం ప్రసిద్ధ సరస్వతీ అమ్మవారి క్షేత్రం బాసరకు చేరుకుని అక్కడ పూజలు జరిపారు. అనంతరం బాసరలోని ట్రిపుల్‌ ఐటీ విద్యార్థినులతో మాట్లాడారు.

ర్యాగింగ్‌ నిరోధానికి ప్రభుత్వం కఠిన చర్యలు తీసుకుంటున్నట్లు వైఎస్‌ తెలిపారు. విద్యార్థులు కూడా సత్ప్రవర్తన అలవరచుకోవాలనీ, నైపుణ్యాలు సాధించి మంచిపేరు తెచ్చుకోవాలని ముఖ్యమంత్రి సూచించారు. అనంతరం ఆయన ప్రాణహిత - చేవెళ్ల ప్రాజెక్టుకు శంకుస్థాపన చేశారు. ఇప్పటికే ఆ ప్రాజెక్టు రెండు చోట్ల ఆయన శంకుస్థాపన చేశారు.