ఫిల్మ్ నగర్ దేవాలయంలో సచిన్

హైదరాబాద్‌: కోట్లాది మంది భారతీయుల అభిమాన క్రికెటర్‌, బ్యాటింగ్‌ దిగ్గజం సచిన్‌ టెండూల్కర్‌ నిన్న ఉదయం నగరంలోని ఓ గుడికి వచ్చి పూజలు చేశారు. అనుకోని అతిథిలా వచ్చిన సచిన్‌ను చూసి గుడికి వచ్చిన భక్తులు ఆశ్చర్యానందాలకు లోనయ్యారు.

హైదరాబాద్‌లో జరుగుతున్న రంజీ క్రికెట్‌ ఫైనల్‌ మ్యాచ్‌ ఆడేందుకు నగరానికి వచ్చిన సచిన్‌ బుధవారం ఉదయం ఫిలింనగర్‌లోని వేంకటేశ్వరస్వామి దేవాలయానికి వచ్చి పూజలు చేశారు. జెడ్‌ప్లస్‌ కేటగిరీ భద్రత ఉన్న సచిన్‌ హంగూ, ఆర్భాటాలేవీ లేకుండా ఆలయానికి రావడంతో జనం ఆయన్ను చూసేందుకు ఎగబడ్డారు. భారత క్రికెట్‌ వీరుడిని ప్రత్యక్షంగా చూడగలిగినందుకు భక్తులు సంతోషపడ్డారు.