రేపే ప్రధాని డిశ్ఛార్జి

న్యూఢిల్లీ: బైపాస్‌ సర్జరీ అనంతరం ప్రధాని మన్మోహన్‌ సింగ్‌ శరవేగంగా కోలుకుంటున్నారని వైద్యులు వెల్లడించారు. శుక్రవారం ఆయన డిశ్చార్జి అయ్యే అవకాశాలున్నాయని ఎయిమ్స్‌ వర్గాలు తెలిపాయి. ఎయిమ్స్‌లోని ఐసీయూ నుంచి ప్రధానిని బుధవారం సాధారణ గదికి తరలించారు. ఈరోజు ఉదయం ఆసుపత్రిలోనే మార్నింగ్‌ వాక్‌ చేశారు. తేలికపాటి వ్యాయామాలు కూడా చేశారు. ఆయను అత్యంత వేగంగా కోలుకున్నారని డాక్టర్లు ఆశ్యర్యం వ్యక్త పరుస్తున్నారు.

మన్మోహన్‌ వ్యక్తిగత ఫిజీషియన్‌ కేఎస్‌ రెడ్డి, శస్త్రచికిత్స చేసిన రమాకాంత్‌ పాండాలతో కూడిన వైద్యుల బృందం ప్రధాని ఆరోగ్య పరిస్థితిని ప్రతిరోజూ సమీక్షిస్తోంది. నిర్దేశిత కాలావధి మేరకే ప్రధాని కలుకుంటున్నారని డాక్టర్‌ విజయ్‌ డిసిల్వా తెలిపారు. రాష్ట్రపతి ప్రతిభాపాటిల్‌ ఎయిమ్స్‌కు విచ్చేసి మన్మోహన్‌ సతీమణి గురుశరణ్‌ కౌర్‌తో దాదాపు 20 నిమిషాలు గడిపారు. ప్రధాని త్వరితంగా కోలుకోవాలని ఆమె ఆకాంక్షించారు. జమ్ము, కాశ్మీర్‌ సీఎం ఒమర్‌ అబ్దుల్లా కూడా ఆస్పత్రికి విచ్చేశారు.