జైలుకెళ్లాల్సిందే కదాని..రోశయ్య

ఒంగోలు: బాబు తాను చేసిన తప్పులకు ఎలాగూ జైలుకు వెళ్లాల్సి వస్తుందన్న ఉద్దేశంతో ముందు జాగ్రత్తగా ఇప్పుడే జైలుకు వెళుతున్నారని ఆర్థికమంత్రి రోశయ్య కామెంట్ చేసారు. జగతి పబ్లికేషన్స్‌ అక్రమాలపై రాష్ట్రవ్యాప్తంగా మహాకూటమి ఆధ్వర్యంలో గురువారం జైల్‌భరో నిర్వహిస్తుండడం తెలిసిందే. ఈ ఆందోళనలో భాగంగా ముఖ్యమంత్రి కార్యాలయం, నివాసం వద్ద ఆందోళనకు దిగిన కూటమి అగ్రనేతలను పోలీసులు అరెస్టు చేశారు.

ఒంగోలు గెస్ట్‌హౌస్‌ లో రోశయ్య మీడియాతో మాట్లాడుతూ పై వ్యాఖ్య చేశారు. అలాగే ఎన్ని మహాకూటములు ఏర్పడినా కాంగ్రెస్‌ ను ఓడించటం సాధ్యం కాదని ఆయన అన్నారు. వచ్చే ఎన్నికల్లో రాష్ట్రంలోను, కేంద్రంలోను కాంగ్రెస్‌ను తిరిగి అధికారంలోకి తెచ్చేందుకు ప్రజలు సిద్ధంగా ఉండటం చూసి విపక్షాలకు నిద్ర పట్టటం లేదని రోశయ్య వ్యాఖ్యానించారు.