సోనియా రాష్ట్ర పర్యటన ఐదు గంటలే

హైదరాబాద్‌: ఏఐసీసీ అధ్యక్షురాలు సోనియా గాంధీ రాష్ట్రంలో రెండు రోజులపాటు, ఐదు గంటల సమయం వివిధ కార్యక్రమాల్లో సోనియా పాల్గొంటారు. ఈనెల 27న ఉదయం 11.15 గంటలకు ఆమె ప్రత్యేక విమానంలో బేగంపేట విమానాశ్రయానికి చేరుకుంటారు. 11.30 గంటలకు మెదక్‌జిల్లా కందికి వెళ్లి, అక్కడ కొత్తగా నిర్మించే ఐఐటీ భవనానికి శంకుస్థాపన చేస్తారు. ఆ తర్వాత 12.45 గంటలకు ఖమ్మం జిల్లా కొత్తగూడెం చేరుకుంటారు. అక్కడ జరిగే బహిరంగ సభలో పాల్గొంటారు.

ఆ తర్వాత 2.05 గంటలకు తిరిగి బేగంపేట విమానాశ్రయానికి చేరుకుంటారు. 2.10 గంటలకు బేగంపేట నుంచి పోర్ట్‌బ్లెయిర్‌కు వెళతారు. మళ్లీ 28న సాయంత్రం 4.55కు హైదరాబాద్‌కు వస్తారు. 5.10 గంటలకు నెక్లెస్‌రోడ్‌ సర్కిల్‌లో ఏర్పాటు చేసిన ఇందిరాగాంధీ విగ్రహాన్ని అవిష్కరిస్తారు. ఆ తర్వాత సికింద్రాబాద్‌ పెరేడ్‌ గ్రౌండ్స్‌లో ఏర్పాటు చేసే బహిరంగ సభలో ప్రసంగిస్తారు. అనంతరం 6.35 తిరిగి ఢిల్లీ వెళ్తారు.