బాబుది దుర్మార్గం పాలన: వైయస్

విశాఖపట్నం: తెలుగుదేశం పార్టీ అధ్యక్షుడు నారా చంద్రబాబునాయుడు తొమ్మిదేళ్ల పాలనను ముఖ్యమంత్రి డాక్టర్ వైయస్ రాజశేఖర రెడ్డి దుర్మార్గం పాలనగా అభివర్ణించారు. ఆయన బుధవారంనాడు విశాఖపట్నం జిల్లాల్లో కాంగ్రెసు తరఫున ఎన్నికల ప్రచారం నిర్వహించారు. తెలుగుదేశంపై ఆయన తీవ్ర విమర్శలు చేశారు. తొమ్మిదేళ్లు కరవు వస్తే చంద్రబాబు తన పాలనలో రైతులను పట్టించుకోలేదని ఆయన అన్నారు.

తమ పాలన ప్రజాకంటకంగా ఉందో, ప్రజారంజకంగా ఉందో ప్రజలే తేల్చుకోవాలని ఆయన అన్నారు. తాము సమాజంలోని అన్ని వర్గాల ప్రజలను ఆదుకున్నామని ఆయన చెప్పారు. రైతుల రుణాలను మాఫీ చేశామని, రైతులకు ఐదేళ్లుగా ఉచిత కరెంట్ ను అందిస్తున్నామని, అందుకు 12000 కోట్ల రూపాయలు ఖర్చు చేశామని ఆయన చెప్పారు.