డిఎస్ కు ఈసీ మందలింపు

న్యూఢిల్లీ: ప్రదేశ్ కాంగ్రెస్ కమిటీ (పీసీసీ) అధ్యక్షుడు డి.శ్రీనివాస్‌ను కేంద్ర ఎన్నికల సంఘం (ఈసీ) మందలించింది. నిజామాబాద్‌లో ఏప్రిల్‌ 5న జరిగిన మైనార్టీల సమావేశంలో డీఎస్‌ వివాదాస్పద వ్యాఖ్యలు చేసినట్లు నిర్ధారించింది. మైనార్టీలవైపు ఎవరైనా చేయెత్తి చూపితే ఆ చేతులుండవని ఆయన మాట్లాడినట్లు, ఆ మాటలు విద్వేషాలను రెచ్చగొట్టే విధంగా ఉన్నాయని భారతీయ జనతా పార్టీ (బిజెపి), వీహెచ్‌పీ ప్రతినిధులు ఏప్రిల్‌ 6వ తేదీన ఎన్నికల సంఘానికి ఫిర్యాదు చేశారు. ఈ వ్యవహారంలో డీఎస్‌కు నోటీసులు ఇచ్చిన కేంద్ర ఎన్నికల సంఘం ఆయన్నుంచి వచ్చిన సమాధానంపై తీవ్ర అసంతృప్తి, అసహనం వ్యక్తం చేసింది. ఇకముందు ఇలాంటి వ్యాఖ్యలు చేయడం మానుకోవాలని హెచ్చరించింది.

అభిప్రాయ భేదాలకు దారితీసే వ్యాఖ్యలు చేయడం సరికాదని హితవు పలికింది. మంగళవారం ఎన్నికల సంఘం ప్రధాన కార్యాలయంలో జరిగిన మీడియా ప్రతినిధుల సమావేశంలో డిప్యూటీ కమిషనర్‌ ఆర్‌.బాలకృష్ణన్‌ ఈ విషయాన్ని వెల్లడించారు. ఎన్నికల సంఘం డీఎస్‌కు రాసిన లేఖలోని వివరాలను రాష్ట్ర ముఖ్య ఎన్నికల అధికారి ఐ.వి.సుబ్బారావు హైదరాబాద్‌లో మీడియా ప్రతినిధులకు.