మొయిలీపై కాంగ్రెస్ వేటు

న్యూఢిల్లీ: కాంగ్రెస్ మీడియా విభాగం చైర్మన్ పదవి నుంచి వీరప్ప మొయిలీని తప్పించారు. బీహార్ ముఖ్యమంత్రి నితీష్ కుమార్ పై తీవ్ర వ్యాఖ్యలు చేసిన మొయిలీని కాంగ్రెసు నాయకత్వం తన మీడియా విభాగం చైర్మన్ పదవి నుంచి అర్థాంతరంగా తప్పించింది. కేంద్రంలో ప్రభుత్వ ఏర్పాటుకు నితీష్ కుమార్ ను దగ్దర చేసుకోవాలని పార్టీ నాయకత్వం ప్రయత్నిస్తున్న సమయంలో మొయిలీ వ్యాఖ్యలు పార్టీ నాయకత్వాన్ని ఇబ్బింది పెట్టినట్లు భావిస్తున్నారు.

నితీష్ ను కాంగ్రెసు హీరో చేయడం లేదని వీరప్ప మొయిలీ శుక్రవారం వ్యాఖ్యానించారు. వీరప్ప మొయిలీ స్థానంలో మీడియా విభాగం చైర్మన్ గా కాంగ్రెసు నాయకత్వం జనార్దన్ ద్వివేదిని నియమించింది. తాను ఈ నెల 17వ తేదీ వరకు కర్ణాటకలో ఉంటున్నందున ద్వివేదీకి తాను బాధ్యతలు అప్పగించినట్లు బెంగుళూర్ లో ఉన్న వీరప్ప మొయిలీ అన్నారు. ఆయన కర్ణాటకలోని చిక్ బల్లాపూర్ నుంచి లోకసభకు పోటీ చేస్తున్నారు.