మద్రాసాలు తీసుకుంటాం: జర్దారీ

వాషింగ్టన్: దేశంలోని మద్రాసాలను ప్రభుత్వం తన ఆధీనంలోకి తీసుకుంటుందని పాకిస్తాన్ అధ్యక్షుడు అసిఫ్ అలీ జర్దారీ చెప్పారు. విద్యార్థులను తీవ్రవాదం నుంచి దూరం చేయడానికి, వారికి ఆధునిక, మత విద్య అందించడానికి మద్రాసాలను స్వాధీనం చేసుకోనున్నట్లు ఆయన తెలిపారు. కమ్యూనిటీ డిన్నర్ సమావేశంలో ఆయన ప్రసంగించారు. మద్రాసాల్లో సంస్కరణలు తేవడం తమ ఉద్దేశమని ఆయన చెప్పారు.

స్వాత్ లోయలో తాలిబాన్, ఇతర ఉగ్రవాద సంస్థలపై సైనిక చర్యను ప్రస్తావిస్తూ సంక్షోభం నుంచి దేశాన్ని బయట పడేసి, భవిష్యత్తు తరాలకు మంచి పాకిస్తాన్ ను అందిస్తామని ఆయన చెప్పారు. తమకు విశేషమైన శక్తి ఉందని, అయితే దేశం కోసం దాన్ని ఏనాడూ వాడలేదని ఆయన అన్నారు.