ఒంటరి పోరే మేలు: దేశ్ ముఖ్

ముంబయి: వచ్చే మహారాష్ట్ర శాసనసభ ఎన్నికల్లో కాంగ్రెస్ పార్టీ ఒంటరిగా పోటీ చేయడమే మంచిదని ఆ పార్టీ నాయకుడు కేంద్ర మంత్రి విలాస్ రావు దేశ్ ముఖ్ అంటున్నారు. దీన్ని కాంగ్రెసుకు, ఎన్సీపికి మధ్య దూరం మరింతగా పెరుగుతున్న సూచనలు కనిపిస్తున్నాయి. ఎన్సీపి పార్లమెంటు సభ్యుడు పదంసింహ్ నింబాల్కర్ కాంగ్రెసు నాయకుడు పవన్ రాజే నింబాల్కర్ హత్య కేసులో అరెస్టు వల్ల తలెత్తిన వివాదం నేపథ్యంలో దేశ్ ముఖ్ వ్యాఖ్యలు ప్రాధాన్యాన్ని సంతరించుకున్నాయి.

పాటిల్ అరెస్టుతో ఎన్సీపి నేత శరద్ పవార్ పై ఒత్తిడి పెరిగింది. దేశ్ ముఖ్ వ్యాఖ్యలపై మాట్లాడడానికి ఆయన నిరాకరించారు. తాము ఇప్పుడు వ్యాఖ్యానించే స్థితిలో లేమని ఆయన అన్నారు. కాంగ్రెస్, ఎన్సీపిల మధ్య సంబంధాలపై, కళంకిత ఎంపీపై చర్యపై ప్రశ్నించగా దర్యాప్తు కొనసాగుతోందని ఆయన సమాధానమిచ్చారు.