చిరు ఇంకా పెద్ద మనిషి కాలేదు: మూర్తి

హైదరాబాద్‌: ప్రజారాజ్యం పార్టీ విధానాలపై మరో సీనియర్‌ నాయకుడు కేఎస్‌ ఆర్‌ మూర్తి అసంతృప్తిని వెళ్లగక్కారు. చిరంజీవి ఇంకా నాయకుడిగా ఎదుగలేదని మూర్తి తీవ్రంగా స్పందించారు. పార్టీలో సీనియర్ల మాటకు విలువలేదని, సలహాలను పాటించడం లేదన్నారు.

సామాజికన్యాయం అనే నినాదం ప్రజల్లోకి వెళ్లకపోగా, పార్టీపై కాపు ముద్ర పడిందని ఆయన అన్నారు. పార్టీలో చోటుచేసుకున్న అవినీతి ఆరోపణలపై కమిటీ వేయాలని ఇచ్చిన సలహాను పట్టించుకోలేదన్నారు.

పార్టీ మారాలంటు కార్యకర్తలందరూ తనపై ఒత్తిడి తెస్తున్నారని, అయితే ఇప్పుడే ఓ నిర్ణయానికి రాలేదని, వచ్చే ఆరునెలల్లో ఓ నిర్ణయం తీసుకుంటానని మూర్తి తెలిపారు.