గుజరాత్ గవర్నర్ ద్వివేది మృతి

న్యూఢిల్లీ: గుజరాత్ గవర్నరుగా నియమితులైన డిఎన్ ద్వివేది శనివారం తెల్లవారు జూమున కన్నుమూశారు. కాలేయం బాధతో ఆస్పత్రిలో చికిత్స పొందతూ ఆయన మరణించారు. ఆయన వయస్సు 74 ఏళ్లు. కాలేయం సమస్యతో బాధపడుతున్న ఆయనను సర్ గంగారామ్ ఆస్పత్రిలోని గాస్ట్రోఎంటరాలజీ ఇంటిన్సెవ్ కేర్ యూనిట్ లో జులై 23వ తేదీన చేర్చారు. ఆయనకు కాలేయ మార్పిడి జరగాల్సి ఉంది. ఆయన హఠాత్తుగా శనివారం ఉదయం 4 గంటల ప్రాంతంలో తుది శ్వాస విడిచారు.

ద్వివేది నావల్ కిశోర్ శర్మ స్థానంలో గుజరాత్ గవర్నరుగా నియమితులయ్యారు. శర్మ కాలపరిమితి జులై 23వ తేదీన ముగిసింది. అయితే ద్వివేది అనారోగ్యం కారణంగా గవర్నరుగా వెంటనే పదవీ బాధ్యతలు చేపట్టలేకపోయారు. దాంతో మహారాష్ట్ర గవర్నరు ఎస్సీ జమీర్ గవర్నరుగా అదనపు బాధ్యతలు నిర్వహిస్తున్నారు.