మేరీ దేశ్ కీ ధర్తీ గేయ రచయిత మృతి

ముంబై: ప్రముఖ హిందీ చలనచిత్ర గేయ రచయిత గుల్షన్ బావ్రా శుక్రవారం ముంబైలో కన్నుమూశారు. ఆయన వయస్సు 70 ఏళ్లు. యారీ హై ఇమామ్ మేరా యార్ మేరీ జిందగీ (జంజీర్), మేరీ దేశ్ కీ ధర్తీ (ఉప్కార్) వంటి ప్రజాజరణ పొందిన ఉత్తమ గీతాలను ఆయన రాశారు.

తన 54 ఏళ్ల సినీ జీవితంలో ఆయన 250కి పైగా పాటలు రాశారు. యారీ హై ఇమామ్ పాటకు ఫిల్మ్ ఫేర్ అవార్డు లభించింది. బావ్రా పాకిస్తాన్ లోని షేక్ పూరాలో జన్మించారు. దేశ విభజన సమయంలో చెలరేగిన అల్లర్లలో ఆయన కుటుంబ సభ్యులు బాధితులు. తన కళ్ల ముందే తల్లిదండ్రులను అల్లరి మూక హతమార్చడం ఆయనను కలచివేసింది.