స్వైన్ ఫ్లూతో నాలుగేళ్ల బాలుడి మృతి

చెన్నై: దేశంలో మరో స్వైన్ ఫ్లూ మృతి నమోదైంది. దీంతో దేశంలో స్వైన్ ఫ్లూ వ్యాధి బారిన పడినవారి సంఖ్య ఆరుకు పెరిగింది. తాజాగా పూణేలో 35 ఏళ్ల ఆయుర్వేద వైద్యుడు స్వైన్ ఫ్లూ వ్యాధితో సోమవారం ఉదయం మరణించగా, నాలుగేళ్ల బాలుడు చెన్నైలో మరణించాడు. మహారాష్ట్ర స్వైన్ ఫ్లూ వ్యాధితో విలవిలలాడుతోంది. పూణేలో సోమవారం ఉదయం బాబాసాహిబ్ మానే మరణించిన విషయం తెలిసిందే. దీంతో పూణేలో మృతుల సంఖ్య మూడుకు పెరిగింది.

మూత్రపిండాలు, కాలేయం సంబంధ ఇబ్బందులతో నాలుగేళ్ల బాలుడు చెన్నైలో ప్రైవేట్ అస్పత్రిలో చేరాడు. ఆ బాలుడు ఆస్త్మాతో కూడా బాధపడుతున్నాడు. అతనికి స్వైన్ ఫ్లూ సోకినట్లు నిర్ధారణ అయింది. దీంతో అతను సోమవారం ఉదయం మరణించాడు. స్వైన్ ఫ్లూతో చెన్నైలో సంభవించిన మొదటి మరణం ఇది.