గ్లామర్ చాలదు: చిరుపై వెంకయ్య

హైదరాబాద్: రాజకీయాలకు గ్లామర్ ఒక్కటే సరిపోదని, గ్రామర్ కూడా ఉండాలని భారతీయ జనతా పార్టీ (బిజెపి) సీనియర్ నేత ఎం. వెంకయ్యనాయుడు ప్రజారాజ్యం పార్టీ అధినేత చిరంజీవిని ఉద్దేశించి అన్నారు. తాను ఆ విషయం మొదటి నుంచీ చెబుతూ వస్తున్నానని, ఆ మాట అన్నందుకు కొంత మంది బాధపడ్డారని ఆయన శనివారం మీడియా ప్రతినిధుల సమావేశంలో అన్నారు.

రాజకీయాలు అనూహ్యంగా మారుతున్నాయని ఆయన అభిప్రాయపడ్డారు. పార్టీలు మారుతున్నవారి పట్ల ఆయన తీవ్ర వ్యాఖ్యలు చేశారు. పార్టీలు మారుతున్న నాయకులు ప్రజల ముందు దోషులుగా నిలబడాలని ఆయన అన్నారు. తాము పార్టీలు ఎందుకు మారుతున్నామో నాయకులు ప్రజలకు చెప్పాలని, సిద్ధాంత రాహిత్యం వల్లనే వలసలు జరుగుతున్నాయని ఆయన అన్నారు.