రైల్వే స్టేషన్ ను పేల్చిన మావోయిస్టులు

రూర్కెలా: ఒరిస్సాలోని సుందర్ ఘర్ జిల్లాలో సాయుధ మావోయిస్టులు రైల్వే స్టేషన్ ను పేల్చివేశారు. ముగ్గురు రైల్వే ఉద్యోగులను బందీలుగా పట్టుకెళ్లారు. ఈ సంఘటన రూర్కెలాకు 80 కిలోమీటర్ల దూరంలో మంగళవారం తెల్లవారు జామున జరిగింది. 20 మందికి పైగా నక్సలైట్లు మంగళవారం తెల్లవారుజామున రోక్సీ రైల్వే స్టేషన్ కు వచ్చి ఉద్యోగులను బయటకు పంపించి వేసి స్టేషన్ ను పేల్చివేశారు.

రైల్వే స్టేషన్ మాస్టర్ తో పాటు ముగ్దురు ఉద్యోగులను నక్సలైట్లు తమతో తీసికెళ్లారు. 15 వాహనాలను మావోయిస్టులు దగ్ధం చేశారు. ఈ స్టేషన్ ను రూర్కేలా ఉక్కు కర్మాగారం నుంచి ముడి ఇనుమును రవాణా చేయడానికి వాడుతారు. ఈ సంఘటనతో జిల్లా తీవ్ర ఉద్రిక్తత నెలకొంది.