నక్సల్స్ కదలికలు తెలుసు: సబిత

హైదరాబాద్: రాష్ట్రంలో నక్సలైట్ల కదలికలపై తమ వద్ద పూర్తి సమాచారం ఉందని, ఈ విషయంలో ప్రభుత్వం అప్రమత్తంగా ఉందని రాష్ట్ర హోం మంత్రి సబితా ఇంద్రారెడ్డి చెప్పారు. శాంతిభద్రతల పరిస్థితిని ముఖ్యమంత్రి డాక్టర్ వైయస్ రాజశేఖర రెడ్డి శనివారం సమీక్షించారు. ఈ సమావేశానంతరం సబితా ఇంద్రారెడ్డి మీడియా ప్రతినిధులతో మాట్లాడారు. నక్సల్స్ ప్రభావిత ప్రాంతాల్లోని నిరుద్యోగులకు ఉపాధి కల్పించేందుకు చర్యలు తీసుకుంటున్నట్లు ఆమె తెలిపారు.

ఇంటిలిజెన్స్, పోలీసు అకాడమీ, సిఐడి శిక్షణా కళాశాల సిబ్బందికి అదనంగా 30 శాతం వేతనాలు చెల్లిస్తామని ఆమె తెలిపారు. ఇందుకు సంబంధించిన జీవోను సోమవారం జీవో విడుదలవుతుందని ఆమె చెప్పారు. రంజాన్, గణేష్ నిమజ్జనం సందర్భంగా భదర్తా నిర్వహణ కోసం అదనంగా పోలీసులను నియమించినట్లు ఆయన తెలిపారు. కానిస్టేబుల్ మురళీనాథ్ కుటుంబాన్ని ఆదుకోవాలని ఆయన ఆదేశించారు.