ఇడుపులపాయకు ప్రత్యేక బస్సులు

కడప: దివంగత ముఖ్యమంత్రి వైఎస్‌ రాజశేఖరరెడ్డిని ఖననం చేసిన ప్రాంతాన్ని సందర్శించేందుకు భారీగా వైఎస్‌ అభిమానులు, కార్యకర్తలు ఇడుపులపాయకు తరలి వస్తున్నారు. దీంతో అభిమానుల కోసం పులివెందుల నుంచి ఇడుపులపాయకు రెండు ప్రత్యేక బస్సులను ఏర్పాటు చేశారు.

కాగా వైఎస్ స్మారక చిహ్నాన్ని నల్లమల అడవుల సమీపంలో ఏర్పాటు చేసి దానిని పర్యాటక కేంద్రంగా అభివృద్ధి చేయాలని నిర్ణయించినట్టు రాష్ట్ర పర్యాటక శాఖ మంత్రి గీతారెడ్డి నిన్న వెల్లడించారు. హైదరాబాద్ లో కూడా వైఎస్ విగ్రహాన్ని ఒక ప్రముఖ కూడలిలో ఏర్పాటు చేయడానికి ప్రయత్నాలు జరుగుతున్నాయి.