తొక్కిసలాటలో 5గురు బాలికల మృతి

ఢిల్లీ: తూర్పు ఢిల్లీలోని ఓ ప్రభుత్వం పాఠశాలలో జరిగిన తొక్కిసలాటలో ఐదుగురు బాలికలు మరణించినట్లు టీవీ వార్తాకథనాలు తెలియజేస్తున్నాయి. ఈ తొక్కిసలాటలో 30 మందికి పైగా గాయపడినట్లు సమాచారం. రాష్ట రాజధానిలో భారీ వర్షాలు కురుస్తున్నాయి. ఈ స్థితిలో వర్షం నీటిలో విద్యుత్ తీగెలు తెగిపడినట్లు ఊహాగానాలు చెలరేగి పాఠశాలను ఖాళీ చేయాల్సిందిగా సూచనలు చేశారు. ఈ సమయంలో బయటకు రావడానికి విద్యార్థినులు ఒక్కసారిగా ప్రయత్నించారు. దీంతో తొక్కిసలాట చోటు చేసుకుంది.

ప్రమాదంలో గాయపడిన వారిని గురు తేఘ్ బహదూర్ ఆస్పత్రికి తరలించారు. ఈ ప్రభుత్వ పాఠశాల తూర్పు ఢిల్లిలోని ఖాజురీ ఖాస్ ప్రాంతంలో ఉంది. బుధవారం రాత్రి నుంచి కురుస్తున్న వర్షాలతో ఢిల్లీ జలమయమైంది. చాలా ప్రాంతాల్లో రోడ్లపై నీరు నిలిచిపోవడంతో ట్రాఫిక్ కు తీవ్ర అంతరాయం ఏర్పడింది. చాలా చోట్ల ట్రాఫిక్ దీపాలు కూడా పని చేయడం లేదను.