156కు చేరిన స్వైన్ ఫ్లూ మృతులు

న్యూఢిల్లీ: దేశంలో తాజాగా మరో 11 స్వైన్ ఫ్లూ మరణాలు నమోదయ్యాయిద. దీంతో గురువారంనాటికి స్వైన్ ఫ్లూ మరణాల సంఖ్య దేశంలో 156కు చేరుకుంది. దేశ రాజధాని ఢిల్లీలో అత్యధికంగా 68 కేసులు నమోదయ్యాయి. కర్నాటకలో 32 మంది, మహారాష్ట్రలో 26 మంది, తమిళనాడులో 19 మంది, హర్యానాలో 14 మంది తాజాగా స్వైన్ ఫ్లూ వ్యాధికి గురయ్యారు. ఇప్పటి వరకు 27,070 మందికి స్వైన్ ఫ్లూ పరీక్షలు నిర్వహించగా, వారిలో 5.611 మందికి స్వైన్ ఫ్లూ సోకినట్లు నిర్ధారణ అయింది.

ఐదుగురు విద్యార్థులకు స్వైన్ ఫ్లూ లక్షణాలు కనిపించడంతో డెహ్రాడూన్ లోని డూన్ స్కూల్ ను గురువారం నుంచి ఈ నెల 21వ తేదీ వరకు మూసేశారు. ఢిల్లీలో తాజాగా ఐదో స్వైన్ ఫ్లూ మరణం నమోదయింది. 12 ఏళ్ల బాలిక చికిత్స పొందుతూ మరణించింది. 35 ఏళ్ల వ్యక్తి పరిస్థితి ఆందోళనకరంగా ఉంది.