వంద కోట్లకు ఫైనాన్స్ కంపెనీ టోపీ

హైదరాబాద్: హైదరాబాదులోని మరో ఫైనాన్స్ కంపెనీ బోర్డు తిప్పేసింది. దీంతో మదుపుదార్లు రోడ్డున పడ్డారు. హైదరాబాదులోని ఆబిడ్స్ లో గల సిటీ లిమౌజినెస్ ఇండియా లిమిటెడ్ కంపెనీ పెద్ద ఎత్తున డిపాజిట్లు సేకరించి మదుపుదార్లను ముంచేసింది. ఈ సంస్థ 2006 జులైలో తన కార్యకలాపాలను హైదరాబాదులో ప్రారంభించింది. దీని ప్రధాన కేంద్రం ముంబైలో ఉంది. హైదరాబాదులోని మదుపుదార్లకు వంద కోట్ల రూపాయల మేరకు ఈ కంపెనీ కుచ్చుటోపీ పెట్టింది.

సిటీ లిమోజినెస్ ఇండియా లిమిటెడ్ హైదరాబాదులో 14 వేల మంది నుంచి లక్షకు రెండేళ్లకు రెండు లక్ష రూపాయలు ఇస్తామంటూ డిపాజిట్లు సేకరించింది. గత మూడు రోజుల నుంచి కంపెనీ రీజినల్ డైరెక్టర్ ఎండబ్ల్యూ ఖాన్ పరారీలో ఉన్నాడు. బాధితులు కార్యాలయం వద్ద ఆందోళనకు దిగారు. కంపెనీ ఇచ్చిన చెక్కులు బౌన్స్ కావడం, కార్యాలయం మూత పడడం మదుపుదారులను ఆందోళనకు గురవుతున్నారు.