బాల్కో ప్రమాదంలో 31 మంది మృతి

రాయుపూర్: ఛత్తీస్ ఘడ్ లోని కోర్పా జిల్లాలో గల భారత్ అల్యూమినియం కంపెనీ (బాల్కో) థర్మల్ విద్యుదుత్పత్తి కర్మాగారంలో పొగ గొట్టం కూలిన సంఘటనలో 31 మంది మరణించారు. ఈ పొగ గొట్టం బుధవారంనాడు కూలిపోయింది. శిథిలాల కింద మరి కొంత మంది ఉండవచ్చునని భావిస్తున్నారు. సహాయ చర్యలు కొనసాగుతున్నాయి. శిథిలాల కింద ఉన్న మరింత మందిని వెలికి తీయడానికి చర్యలు చేపట్టినట్లు కోర్బా జిల్లా మెజిస్ట్రేట్ అశోక్ అగర్వాల్ చెప్పారు.

గాయపడినవారిని అంబులెన్స్ ల ద్వారా అస్పత్రికి తరలిస్తున్నారు. కార్మికులను రక్షించడానికి చేయాల్సిందంతా చేస్తున్నామని ఆయన అన్నారు. ఇప్పటి వరకు పది మృతదేహాలను వెలికి తీసినట్లు ఆయన తెలిపారు. శిథిలాలను తొలగించడానికి రెండు రోజులు పడుతుందని ఆయన చెప్పారు. చిమ్నీ కూలిపోయిన వెంటనే 150 నుంచి 200 మంది కార్మికులు బయటకు పరుగులు తీశారు. శిథిలాల కింద ఇంకా 40 మందికి పైగా కార్మికులు చిక్కుకుని ఉంటారని భావిస్తున్నారు. సంఘటనపై ప్రభుత్వం న్యాయవిచారణకు ఆదేశించింది.