కేరళలో ఘోరం జలప్రమాదం

తెక్కడి: కేరళ రాష్ట్రంలోని తెక్కడిలో సెపెంబరు 30, బుధవారం రోజున ఘోర పడవ ప్రమాదం సంభవించింది. ఈ ప్రమాదంలో సుమారు 35మంది జలసమాధి అయినట్టు సమాచారం. అధికారిక కథనం ప్రకారం సుమారు 76 మంది ప్రయాణికుల తో ప్రయాణిస్తున్న 'జలకన్యక' అనే పడవ తిరువనంతపురం నుండీ 300 కి.మీ. దూరంలో గల తెక్కడిలో పెరియార్ జంతుప్రదర్శనశాలలో గల సరస్సులో సాయంత్రం 5 గంటలా 15 నిమిషాలకు ప్రమాదానికి గురయింది. ఈ పడవలో చాలా మంది కర్ణాటక రాష్ట్రానికి చెందిన టూరిస్టులు ప్రయాణిస్తున్నారని తెలిసింది.

జిల్లా కలెక్టర్ అశోక్ కుమార్ కథనం ప్రకారం బుధవారం రాత్రి వరకూ జరిగిన గాలింపులో 30 మంది మృతదేహాలను కనుగొన్నట్టు తెలిసింది. వీరిలో 14 మంది మహిళలు, ఆరుగురు పిల్లలు వున్నారని తెలిసింది. మృతుల సంఖ్య ఇంకా పెరిగే అవకాశం వుందని తెలిపారు.