ఖత్రోచీపై కేసుల మూసివేత: సిబిఐ

న్యూఢిల్లీ: ఇటలీ వ్యాపారవేత్త ఖత్రోచీపై బోఫోర్స్ కేసును మూసివేస్తామని సిబిఐ ఢిల్లీ కోర్టుకు విజ్ఞప్తి చేసుకుంది. ఈ మేరకు సిబిఐ చీఫ్ మెట్రోపాలిటన్ మెజిస్ట్రేట్ కావేరీ బవేజీ ముందు శనివారం దరఖాస్తు చేసుకుంది. విచారణను ఎదుర్కుంటున్న ఖత్రోచీని భారత్ కు రప్పించే విషయంలో విఫలమైనట్లు సిబిఐ చెప్పింది. కేసు మూసివేతను వ్యతిరేకిస్తూ న్యాయవాది అజయ్ అగర్వాల్ దాఖలు చేసిన దరఖాస్తును సిబిఐ వ్యతిరేకించింది.

రెండు దశాబ్దాలుగా నడుస్తున్న బోఫోర్స్ కేసు నిందితుల్లో ఖత్రోచీ ఒక్కడే బతికి ఉన్నాడు. ఖత్రోచీ ఈ కేసులో ఇప్పటి వరకు భారత్ లోని ఏ కోర్టులోనూ హాజరు కాలేదు. ఖత్రోచీని భారత్ కు రప్పించేందుకు సిబిఐ పలు మార్లు ప్రయత్నాలు చేసింది. అయితే అందులో ఆ సంస్థ ఏ మాత్రం ఫలితం సాధించలేకపోయింది.