పాక్ లో పేలుళ్లకు 15 మంది మృతి

ఇస్లామాబాద్: పాకిస్తాన్ లోని పెషావర్ నగరంలో శుక్రవారం జరిగిన పేలుళ్లు సంభవించడంతో 15 మంది మరణించారు. ఈ మేరకు పాకిస్తానీ టీవీ చానెళ్లు వార్తలను ప్రసారం చేశాయి. ప్రతిష్ఠాత్మకమైన ఖైబర్ బజార్ ప్రాంతంలో ఈ పేలుళ్లు సంభవించినట్లు పోలీసు అధికారి ముహమ్మద్ ఖాన్ చెప్పారు.

పెషావర్ లో రెండు వారాల్లో ఇది రెండో దాడి. సైనిక దాడులు జరుగుతున్నప్పటికీ పాకిస్తాన్ లో ఉగ్రవాదుల చర్యలు ఆగడం లేదు. సోమవారం సంభవించిన ఆత్మాహుతి దాడి సంఘటనలో ఒక అనుమానితుడిని అరెస్టు చేసినట్లు పాకిస్తాన్ అంతర్గత వ్యవహారాల మంత్రి రెహ్మాన్ మాలిక్ శుక్రవారంనాడు తెలిపారు. ఈ దాడిలో ఐదుగురు మరణించారు.