హఫీజ్ సయీద్ పై కేసు డిస్మిస్

లాహోర్: ముంబై ఉగ్రవాద దాడిలో ప్రధాన సూత్రధా,రి జమాత్ ఉద్ దావా చీఫ్ హఫీజ్ సయీద్ పై ఉగ్రవాద నిరోధ చట్టం కింద దాఖలైన కేసును లాహోర్ హైకోర్టు సోమవారం డిస్మిస్ చేసింది. సయీద్ ఉగ్రవాది కాదని కోర్టు స్పష్టం చేసింది. జమాత్ ఉద్ దావా చీఫ్ సయీద్ కు ఉగ్రవాద నిరోధ చట్టం వర్తించదని లాహోర్ హైకోర్టు అభిప్రాయపడింది.

ముంబై దాడుల కేసులో సయీద్ ప్రధాన సూత్రధారి అని భారత్ వాదిస్తున్నప్పటికీ అతనిపై పాకిస్తాన్ చిన్నపాటి ఆరోపణలు మాత్రమే చేసింది. నిషేధ సంస్థ అయిన జమాత్ ఉద్ దావాకు నిధులు సేకరిస్తున్నాడని, జిహాద్ కు ప్రజలను పురికొల్పడానికి లౌడ్ స్పీకర్లను వాడుతున్నాడని ఆరోపించింది. సయీద్ పై కేసులను వ్యతిరేకిస్తూ అతని తరఫు న్యాయవాది ఎకె దోగార్ లాహోర్ హైకోర్టులో పిటిషన్ దాఖలు చేశారు.