చంద్రబాబు నాయుడు మాటల్లో అబద్ధమే: రోశయ్య

కర్నూలు: వరదల విషయంలో తెలుగుదేశం పార్టీ అధ్యక్షుడు నారా చంద్రబాబు నాయుడు చేసిన విమర్సలో నిజం లేదని ముఖ్యమంత్రి కె.రోశయ్య చెప్పారు. చంద్రబాబు విమర్శలను ఆయన ఖండించారు. వరద ముంపు ఉన్నట్లు ప్రభుత్వాన్ని కేంద్ర జల సంఘం (సిడబ్ల్యుసి) ముందే హెచ్చరించిందని చంద్రబాబు చేసిన వ్యాఖ్యల్లో ఎలాంటి వాస్తవం లేదని ఆయన అన్నారు. ఆయన తన రెండో రోజు పర్యటనలో భాగంగా సోమవారం కర్నూలు వరద బాధితులను పరామర్శించారు. ఈ సందర్భంగా ఆయన మాట్లాడారు. వరద బాధితులను అన్ని విధాలుగా ఆదుకుంటామని ఆయన హామీ ఇచ్చారు.

వరత తాకిడికి తీవ్రంగా నష్టపోయి, రూపురేఖలు మారిపోయిన కర్నూలు పట్టణాన్ని త్వరలోనే పూర్వ స్థితికి తెస్తామని ఆయన చెప్పారు. రోశయ్యతో పాటు కర్నూలు కాంగ్రెసు శాసనసభ్యుడు టిజి వెంకటేష్ కూడా ఉన్నారు. కాగా, కొండారెడ్డి బురుజు వద్ద ఎస్ఎఫ్ఐ కార్యకర్తలు ముఖ్యమంత్రి కాన్వాయ్ ని అడ్డుకున్నారు. వరద తాకిడి ప్రాంతాల్లోని విద్యార్థులను ఆదుకోవాలని ఆందోళన కారులు డిమాండ్ చేశారు.