గడ్చిరోలీలో రీపోలింగ్: నక్సల్స్ దాడి

నాగపూర్: మహారాష్ట్ర శాసనసభ ఎన్నికల రీపోలింగ్ జరుగుతున్న కోట్మీ పోలింగ్ కేంద్రంపై మావోయిస్టులు గురువారం దాడి చేశారు. వారు పోలింగ్ కేంద్రం వద్ద కాల్పులు జరిపారు. ప్రతిగా భద్రతా బలగాలు ఎదురు కాల్పులు జరిపాయి. దాదాపు ఎదురు కాల్పులతో ఆ ప్రాంతం దద్ధరిల్లింది. ఈ ప్రాంత కసన్సూర్ కు 9 కిలోమీటర్ల దూరంలో ఉంటుంది. ఇరు వైపులా ఏ విధమైన ప్రాణనష్టం సంభవించలేదు.

గడ్చిరోలీ జిల్లాలోని అహేరీ తాలూకాలోని కోట్మీతో పాటు 13 పోలింగ్ కేంద్రాల్లో గురువారం రీపోలింగ్ జరిగింది. నక్సల్స్ అడ్డుకోవడంతో ఈ నెల 13వ తేదీన పోలింగ్ సిబ్బంది సకాలంలో పోలింగ్ కేంద్రాలకు చేరుకోలేకపోయారు. నక్సలైట్లు రోడ్లను తవ్విపోశారు, రోడ్లపై చెట్లను నరికివేశారు. దాంతో రీపోలింగ్ కు ఆదేశించారు. గడ్చిరోలీ జిల్లాలో గురువారం మొత్తం 22 పోలింగ్ కేంద్రాల్లో రీపోలింగ్ జరిగింది.