పెషావర్ లో పేలుడు: 8 మంది మృతి

పెషావర్: పాకిస్తాన్ లోని పెషావర్ లో గల పోలీసు కార్యాలయం వద్ద శుక్రవారం భారీ పేలుడు సంభవించింది. ఈ పేలుడులో కనీసం 8 మంది మరణించారు. మరో 20 మంది దాకా గాయపడినట్లు తెలుస్తోంది. మృతుల సంఖ్య పెరిగే అవకాశాలున్నాయని అంటున్నారు. విచారణ నిమిత్తం నేరగాళ్లను, ఉగ్రవాదులను ఉంచిన భవనం వద్ద పేలుడు సంభవించిందని పోలీసు అధికారు సలీం ఖాన్ చెప్పారు.

సమీపంలోని మసీదు కూడా పేలుడులో ధ్వంసమైంది. పెషావర్ ఇటీవలి కాలంలో బాంబు పేలుళ్లతో, ఆత్మాహుతి దాడులతో అట్టుడుకుతోంది. గురువారం నాడు పాకిస్తాన్ లో నాలుగు చోట్ల ఉగ్రవాదులు పథకం ప్రకారం దాడి చేశారు. ఆ దాడుల్లో 39 మంది మరణించారు.