జగన్ చుట్టే మీడియా: హర్షకుమార్

హైదరాబాద్: మీడియా అంతా కడప పార్లమెంటు సభ్యుడు వైయస్ జగన్ చుట్టే తిరుగుతోందని అమలాపురం కాంగ్రెసు పార్లమెంటు సభ్యుడు హర్షకుమార్ అన్నారు. ఆయన శనివారం ముఖ్యమంత్రి కె.రోశయ్యను కలిశారు. తాము వైయస్ రాజశేఖర రెడ్డి ఫొటో గెలిచామనే మాటల్లో నిజం లేదని, తాము కాంగ్రెసు చేతి గుర్తుతో గెలిచామని ఆయన రోశయ్యతో భేటీ అనంతరం అన్నారు. జగన్ కు ప్రజాదరణ ఉందో, లేదో ఇప్పుడే చెప్పడం తొందరపాటు అవుతుదని ఆయన అభిప్రాయపడ్డారు.

సీనియర్ కాంగ్రెసు శాసనసభ్యులు జెసి దివాకర్ రెడ్డి, ఆదాల ప్రభాకర్ రెడ్డి కూడా రోశయ్యను కలిశారు. ప్రస్తుతం మంత్రివర్గ విస్తరణ అవసరం లేదని జెసి దివాకర్ రెడ్డి రోశయ్యతో భేటీ అనంతరం మీడియా ప్రతినిధులతో అన్నారు. ప్రస్తుత మంత్రివర్గం భేష్ గ్గా పనిచేస్తోందని ఆయన అన్నారు.