మహా మెజారిటీ దిశగా కాంగ్రెసు

ముంబై: మహారాష్ట్ర శాసనసభ ఎన్నికల్లో మెజారిటీ సాధించే దిశంగా కాంగ్రెసు, ఎన్సీపి కూటమి సాగుతోంది. ఇప్పటి వరకు జరిగిన ఓట్ల లెక్కింపు ప్రకారం కాంగ్రెసు, ఎన్సీపి కూటమి 130 స్థానాల్లో ఆధిక్యంలో కొనసాగుతోంది. బిజెపి - శివసేన కూటమి 102 స్థానాల్లో ఆధిక్యంలో ఉంది. రాజ్ థాకరే నేతృత్వంలోని ఎంఎన్ఎస్ 14 స్థానాల్లో ఆధిక్యంలో ఉంది. ఎంఎన్ఎస్ ఒంటరిగా పోటీ చేయడం కాంగ్రెసు కూటమికి లాభించింది. తృతీయ ఫ్రంట్ కుప్పకూలింది. కేవలం పది స్థానాల్లో మాత్రమే ఆధిక్యంలో ఉంది. స్వతంత్రులు 30 నుంచి 40 స్థానాల్లో ఆధిక్యంలో ఉన్నారు. స్వతంత్రుల్లో ఎక్కువ మంది కాంగ్రెసు, ఎన్సిపి తిరుగుబాటు అభ్యర్థులే కావడం విశేషం.

ప్రభుత్వ ఏర్పాటుకు స్వతంత్రుల మద్దతు తీసుకుంటామని మహారాష్ట్ర ముఖ్యమంత్రి అశోక్ చవాన్ చెప్పారు. అమరావతి సీటులో రాష్ట్రపతి కుమారుడు రావుసాహెబ్ షేకావత్ వెనకంజలో ఉన్నారు. ఈ విజయం కాంగ్రెసు - ఎన్సీపి జట్టుదని అశోక్ చవాన్ అన్నారు. చవాన్ నాందేడ్ జిల్లాలోని భోకార్ సీటులో అధిక్యంలో కొనసాగుతున్నారు. ఉప ముఖ్యమంత్రి, ఎన్సీపి నేత ఛగన్ భుజ్ బల్ ఆధిక్యంలో కొనసాగుతున్నారు. కేంద్ర మంత్రి విలాస్ రావు దేశ్ ముఖ్ కుమారుడు అమిత్ ముందంజలో ఉన్నారు.