స్కూల్ భవనాన్ని పేల్చేసిన మావోలు

లతేహార్: జార్ఖండ్ లోని లతేహార్ జిల్లాలో మావోయస్టులు పాఠశాల భవనాన్ని పేల్చేసినట్లు పోలీసులు మంగళవారంనాడు చెప్పారు. లతేహార్ జిల్లాలోని బంబిరువాలో సాయుధ నక్సలైట్లు డైనమెట్లు పెట్టి పాఠశాల భవనాన్ని పేల్చేసినట్లు పోలీసు సూపరింటిండెంట్ కులదీప్ ద్వివేది చెప్పారు. ఈ సంఘటనలో ఏ విధమైన ప్రాణ హానీ జరగలేదు.

నవంబర్ 25వ తేదీ నుంచి ఐదు దశల్లో పోలింగ్ జరుగుతున్న నేపథ్యంలో భద్రతా బలగాలు ఆశ్రయంగా వాడుకుంటున్నందున మావోయిస్టులు పాఠశాల భవనాన్ని పేల్చేశారు. పోలీసు బలగాలు సంఘటనా స్థలానికి చేరుకుని మావోయిస్టుల కోసం గాలిస్తున్నట్లు ద్వివేది చెప్పారు.