యడ్యూరప్ప గతే రోశయ్యకు: నాగం

హైదరాబాద్: ఓబుళాపురం గనుల కంపెనీ అధినేత గాలి జనార్దన్ రెడ్డిని అదుపు చేయకపోతే కర్నాటక ముఖ్యమంత్రి యెడ్యూరప్పకు పట్టిన గతే రాష్ట్ర ముఖ్యమంత్రి కె. రోశయ్యకు పడుతుందని తెలుగుదేశం పార్టీ నాయకుడు నాగం జనార్దన్ రెడ్డి హెచ్చరించారు. మైనింగ్ మాఫియా వలలో చిక్కుకుని మరో యెడ్యూరప్ప కావద్దని ఆయన బుధవారం మీడియా ప్రతినిధుల సమావేశంలో రోశయ్యకు సలహా ఇచ్చారు.

ఓబుళాపురం కంపెనీ అక్రమ తవ్వకాలపై రోశయ్య తూతూ మంత్రంగా త్రిసభ్య కమిటీ వేశారని, ఆ రకంగా రోశయ్య చేతులు దులుపుకునే ప్రయత్నం చేస్తున్నారని ఆయన వ్యాఖ్యానించారు. ప్రభుత్వ ఖనిజ సంపదను కాపాడకపోతే అన్ని పార్టీలను కలుపుకుని తాము జాతీయ స్థాయిలో ఉద్యమిస్తామని ఆయన చెప్పారు.