విశాఖ, విజయనగరంలో రోశయ్య పర్యటన

విశాఖపట్నం: ముఖ్యమంత్రి రోశయ్య ఈ నెల 24, 25 తేదీలల్లో విజయనగరం, విశాఖప ట్నం జిల్లాల్లో పర్యటిస్తారని తెలిసింది. రోశయ్య ముఖ్యమంత్రి గా బాధ్యతలు స్వీకరించిన తర్వా త తొలిసారి జిల్లా పర్యటనపై రానున్నారు. దీనికి సంబంధించిన సమాచారం జిల్లా అధికారులకు అందినట్టు తెలిసింది.

ఇప్పటి వరకు అందిన సమాచారం ప్రకారం ముఖ్యమంత్రి రోశయ్య ఈ నెల 24న విశాఖ చేరుకుంటారు. ఇక్కడి నుంచి విజయనగరం జిల్లాకు వెళతారు. విజయనగరం, బొబ్బిలి లో ఏర్పాటు చేసిన కార్యక్రమాల్లో పాల్గొంటారు. మరుసటి రోజు ఉదయం విశాఖపట్నం వచ్చి, స్థానికంగా నిర్వహించే కార్యక్రమాల్లో పాల్గొంటారు. తరువాత అధికారులతో సమీక్షా సమావేశాన్ని నిర్వహిస్తారు.