వచ్చే నెల 19న పులివెందుల ఎన్నిక

న్యూఢిల్లీ: కడప జిల్లా పులివెందుల శాసనసభా నియోజక వర్గం ఉప ఎన్నిక నోటిఫికేషన్ జారీ అయింది. ముఖ్యమంత్రి డాక్టర్ వైయస్ రాజశేఖర రెడ్డి మరణంతో పులివెందులకు ఉప ఎన్నిక నిర్వహించాల్సిన అవసరం ఏర్పడింది. ఈ నెల 25వ తేదీ నుంచి నామినేషన్లు స్వీకరిస్తారు. పోలింగ్ వచ్చే నెల 19వ తేదీన పోలింగ్ జరుగుతుంది. ఓట్ల లెక్కింపు 23వ తేదీన జరుగుతుంది.

కాగా, పులివెందుల నుంచి పోటీ చేసి ముఖ్యమంత్రి పదవిని చేపట్టాలని దివంగత నేత వైయస్ రాజశేఖర రెడ్డి తనయుడు వైయస్ జగన్ ఉబలాటపడుతున్నారు. అయితే కాంగ్రెసు అధిష్టానం మాత్రం అందుకు సుముఖంగా లేదు. వైయస్ రాజశేఖర రెడ్డి సతీమణి విజయలక్ష్మిని పోటీకి దించే యోచనలో కాంగ్రెసు అధ్యక్షురాలు సోనియా గాంధీ ఉన్నారు. విజయలక్ష్మి అందుకు సుముఖంగా లేరని చెబుతున్నారు.