• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబు పెద్ద క్రిమినల్: పోసాని

By Pratap
|

Posani krishna Murali
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడిని ప్రముఖ సినీ దర్శకుడు, ప్రజారాజ్యం పార్టీ నేత పోసాని కృష్ణమురళి పెద్ద క్రిమినల్ గా అభివర్ణించారు. ఓబుళాపురంపై, దాని యజమాని గాలి జనార్దన్ రెడ్డిపైన, కడప పార్లమెంటు సభ్యుడు వైయస్ జగన్ పైన చంద్రబాబు విమర్శలు చేయడాన్ని ఆయన తప్పు పట్టారు. సాక్షి టీవీ చానెల్ కు ఇచ్చిన ఇంటర్వ్యూలో ఆయన చంద్రబాబుపై తీవ్రంగా ధ్వజమెత్తారు. చంద్రబాబు తానేమిటో ముందు తెలుసుకోవాలని ఆయన అన్నారు. దివంగత నేత వైయస్ రాజశేఖర రెడ్డి మంచివాడు కాబట్టే ప్రజలు రెండోసారి గెలిపించారని ఆయన అన్నారు. వైయస్ ను గెలిపించిన ప్రజలు పిచ్చోళ్లా, అవినీతి పరులా అని ఆయన అడిగారు.

చంద్రబాబును తాము నమ్మబోమని, ప్రజలు కూడా నమ్మడం లేదని ఆయన అన్నారు. చంద్రబాబు రాజకీయాలను వ్యాపారంగా మార్చారని ఆయన దుయ్యబట్టారు. చంద్రబాబు సహా తెలుగుదేశం నాయకులు డబ్బు ఖర్చు పెట్టకుండా, సారా తాగించకుండా గెలిచామని నిరూపించుకుంటే తాను చంద్రబాబు కాళ్లకు దండం పెట్టి ప్రశంసిస్తానని ఆయన అన్నారు. ఇనుప ఖనిజం తీసుకుపోతున్న గాలి జనార్దన్ రెడ్డి పెద్ద క్రిమినలా, రాజకీయాలను వ్యాపారంగా మార్చి ఎన్టీఆర్ ను వెన్నుపోటు పొడిచి ప్రజలను మోసం చేసిన చంద్రబాబు పెద్ద క్రిమినలా అని ఆయన అన్నారు.

తండ్రి పోయి ఆరు నెలలు కూడా కాక ఏడుస్తున్న జగన్ పై ప్రతిపక్షాలు విమర్సలు చేస్తున్నాయని ఆయన అన్నారు. జన్ తంతే చంద్రబాబు ప్రతిపక్షంలో పడ్డారని, అయినా చంద్రబాబు మారడం లేదని ఆయన అన్నారు. చంద్రబాబు తన హయాంలోని అవినీతి ఆరోపణలపై సిబిఐకి అప్పగించారా అని ఆయన అడిగారు. సోమశేఖర కమిషన్ ఏమైందని ఆయన ప్రశ్నించారు. సిగ్గు లేకుండా చంద్రబాబు రాజకీయాలను వ్యాపారంగా మార్చారని ఆయన ఆరోపించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X