తిరుమల శ్రీవారి సన్నిధిలో శిల్పాశెట్టి

తిరుపతి: ప్రముఖ బాలీవుడ్ నటి శిల్పా శెట్టి దంపతులు శుక్రవారం తిరుమల శ్రీవేంకటేశ్వరస్వామిని దర్శించుకున్నారు. భర్త రాజ్ కుంద్రాతో కలిసి ఆమె తిరుమల శ్రీవారిని అభిషేక సమయంలో దర్శించుకున్నారు. శిల్పాశెట్టి దంపతులు గురువారం సాయంత్రం తిరుపతి చేరుకున్నారు. రాత్రి అక్కడే బస చేసి శుక్రవారం ఉదయం తిరుమల శ్రీవెంకటేశ్వర స్వామిని దర్సించుకున్నారు.

లండన్ కు చెందిన పారిశ్రామికవేత్త రాజ్ కుంద్రాను శిల్పా శెట్టి ఇటీవల వివాహం చేసుకున్న విషయం తెలిసిందే. ఆ తర్వాత వివాహానంతర విందు కూడా ఇచ్చారు. ఈ విందుకు బాలీవుడ్ తారాగణం కదిలి వచ్చింది. అమితాబ్ బచ్చన్ కోడలు ఐశ్వర్యారాయ్, షారూఖ్ ఖాన్ భార్య గౌరీతో కలిసి వచ్చారు.