• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మేం తెలంగాణ ఇస్తామనలేదు: గాదె

By Pratap
|

Gade Venkat Reddy
హైదరాబాద్: తెలంగాణ ఇస్తామని తాము ఎన్నడూ అనలేదని రాష్ట్ర దేవాదాయ శాఖ మంత్రి గాదె వెంకటరెడ్డి అన్నారు. తెలంగాణ సెంటిమెంటును గుర్తిస్తున్నామని చెప్పామే తప్ప తెలంగాణ రాష్ట్ర ఇస్తామని తాము అనలేదని ఆయన శనివారం మీడియా ప్రతినిధులతో అన్నారు. ఆంధ్రప్రదేశ్ విభజనకు ఇందిరా గాంధీ కూడా ఆనాడు అంగీకరించలేదని ఆయన గుర్తు చేశారు. తెలంగాణ రాష్ట్ర ఇచ్చేందుకు కాంగ్రెసు అంగీకరించదనే వాదనలో అర్థం లేనిదని ఆయన అన్నారు. కాంగ్రెసు లెజిస్లేచర్ పార్టీ (సిఎల్పీ) తెలంగాణ రాష్ట్ర ఏర్పాటుకు తీర్మానం చేయలేదని ఆయన అన్నారు.

2004లో గానీ 2009లో గానీ కాంగ్రెసు పార్టీ తెలంగాణ ఇస్తామని చెప్పలేదని ఆయన అన్నారు. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు ఆమరణ నిరాహార దీక్షకు భయపడి తెలంగాణ ఇస్తామని కేంద్రం ప్రకటించడం దురదృష్టకరమని ఆయన చెప్పారు. తెలంగాణపై కమిటీ వేస్తామని 2009 ఫిబ్రవరిలో దివంగత నేత వైయస్ రాజశేఖర రెడ్డి చేసిన ప్రకటనకు తాము కట్టుబడి ఉన్నట్లు తెలిపారు. రాష్టాన్ని రెండుగా చీల్చడం దేవుడు కూడా క్షమించడని ఆయన అన్నారు. చిన్న రాష్ట్రాల ఏర్పాటుపై యుపిఎలో కూడా వ్యతిరేకత ఉందని ఆయన చెప్పారు. ప్రస్తుతం రాష్ట్రంలో నెలకొన్న పరిస్థితులకు రెండో ఎస్సార్సీయే పరిష్కారమని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X