సిగ్గుచేటుగా ఉంది: మోహన్ బాబు కూతురు

హైదరాబాద్: తెలుగువాళ్లం అని చెప్పుకోవడానికి సిగ్గుచేటుగా ఉందని మోహన్ బాబు కూతురు లక్ష్మీప్రసన్న అన్నారు. తమ సినిమా షూటింగ్ ను అడ్డుకోవడంపై ఆమె తీవ్రంగా ధ్వజమెత్తారు. తండ్రి మోహన్ బాబు, సోదరుడు మనోజ్ లతో కలిసి ఆమె మంగళవారం మీడియా ప్రతినిధులతో మాట్లాడారు. తమ పట్ల నిరంకుశంగా వ్యవహరించారని ఆమె అన్నారు. చిన్నపిల్లలని కూడా చూడకుండా వారిపై దాడి చేశారని, విధ్వంసం సృష్టించారని ఆయన అన్నారు. రాయలసీమ బియ్యం తినడం లేదా, ఆంధ్ర బియ్యం తినడం లేదా ఆని ఆమె అడిగారు. ఆంధ్రప్రదేశ్ అంటే ప్రపంచానికి అంతటికీ తెలిసిందని, ఇప్పుడు తెలుగువాళ్లమని చెప్పుకోవడానికి కూడా సిగ్గుచేటని ఆయన అన్నారు.

ఆందోళనకారులను చూసి తాము ఇంట్లోకి వెళ్లితే ఎస్పై మహేష్ గౌడ్ తమను బయటకు రమ్మన్నాడని ఆమె చెప్పారు. తమకు భద్రత లేకుండా పోయిందని ఆమె ఆవేదన వ్యక్తం చేశారు. తెలుగు ప్రజలు సమైక్యంగా ఉండాలని తాము కోరుకుంటున్నామని, తమ అభిప్రాయం తాము చెప్పామని, ప్రజాస్వామ్యంలో తమకు ఆ మాత్రం హక్కు లేదా అని ఆమె అన్నారు.